Prezıdentke kólikti zańdastyrý qyzmetin ońtaılandyratyn tsıfrlyq tehnologııalar týraly baıandaldy
ASTANA. QazAqparat - Prezıdentke «Avtokólik quraldaryn zańdastyrý, jol-kólik apaty bolǵan jerden materıaldardy saqtandyrý kompanııalaryna berý» jobasy tanystyryldy, dep habarlaıdy QazAqparat Aqordaǵa silteme jasap.
Memleket basshysynyń tapsyrmasyn oryndaý maqsatynda elimizge 2022 jyldyń 1 qyrkúıegine deıin ákelingen sheteldik kólikter zańdastyrylyp jatyr. Osyǵan oraı, mamandandyrylǵan halyqqa qyzmet kórsetý ortalyqtaryndaǵy kezekti ońtaılandyrý úshin ótinim qabyldaýǵa arnalǵan onlaın-servıs ázirlendi. Kólik quralyna tekseris túgeldeı avtomatty rejımde júrgiziledi.
Sondaı-aq, Іshki ister mınıstrligi Quqyqtyq statıstıka jáne arnaıy esepke alý jónindegi komıtetpen jáne «Memlekettik kredıttik bıýromen» birlesip, jol-kólik oqıǵasy týraly materıaldardy tólem jasaý úshin saqtandyrý kompanııalaryna onlaın berý jobasyn júzege asyrdy.
