Prezıdentke kandıdattarǵa qoıylar talap burynǵydan da zor - Lıngvıstıkalyq komıssııa tóraǵasy M. Joldasbekov
ANA. 7 aqpan. QazAqparat /Qanat Mámetqazyuly/ - Prezıdentke kandıdattarǵa qoıylar talap burynǵydan da zor.
Búgin Ortalyq saılaý komıssııasynda ótken QR Prezıdenttigine kandıdattyń memlekettik tildi erkin meńgergendigin anyqtaý jónindegi lıngvıstıkalyq komıssııanyń alǵashqy otyrysy barysynda atalǵan komıssııanyń tóraǵasy Myrzataı Joldasbekov osylaı málim etti.
«Prezıdent saılaýy memleket ómirindegi asa jaýapty kezeń. Shyntýaıtyna kelgende, jurttyń kóbi referendýmǵa ázirlenip júrgende, Elbasy kezekten tys saılaý jarııalady. Sondyqtan da, konstıtýtsııalyq talapqa saı keletin prezıdenttikke kandıdattardyń tildik deńgeıin anyqtaý úlken mindet. Onyń ústine búgingi kúni memlekettik tilge talap burynǵydan da zor. Budan bólek, meniń oıymsha, Qazaqstanǵa Prezıdent bolar adam óziniń qaıratkerligimen ǵana emes, memlekettik tildi meńgerý, tildi qurmetteý jaǵynan da úlgi bolýy kerek», - dedi M. Joldasbekov.
Sonymen birge, komıssııa tóraǵasy kandıdattardan alynatyn emtıhannyń ádil ótetindigine, talaptyń zań aıasynda ári qatal bolatynyna sóz berdi. Sonymen qatar, M. Joldasbekov «memlekettik tildi erkin meńgergen» degen normaǵa túsinik bere kele, ondaǵy talaptarǵa da toqtalyp ótti. «Kandıdattyń 2 bettik jazba jumysy sapaly bolýy tıis. Budan bólek, kandıdat komıssııa aldynda 15 mınót sóz sóıleýi de kerek. Biz olardyń árbir sóz saptaýyna jiti mán beremiz. Qate, kemshilikteri mindetti túrde hattalady. Shyǵarmasy aqparat quraldaryna da kórsetiledi. Bir sózben aıtqanda, BAQ úshin úderis barysy ashyq bolady», - dedi M. Joldasbekov. ıAǵnı, kandıdattarǵa múmkindik berilýi úshin BAQ olardyń memlekettik tildi erkin meńgergendigin anyqtaý rásiminiń bastalýyn jáne komıssııanyń árbir kandıdat boıynsha sheshim qabyldaý úderisin tutastaı baıqaýǵa ruqsat beredi.
