Prezıdentke halyq tarapynan túsken saýaldardyń sany 9 myńǵa jetti
ASTANA. Qarashanyń 5-i. QazAqparat /Arman Asqarov/ - Elbasy Nursultan Nazarbaevtyń tikeleı efır arqyly halyqpen tildesýine oraı Astanada jumys istep jatqan Baılanys ortalyǵyna osy ýaqytqa deıin 9 myńǵa jýyq saýal kelip tústi,
dep habarlaıdy QazAqparat.
Ádettegideı, Qazaqstan halqynyń tarapynan áleýmettik kómek kórsetý, turǵyn úı, zań buzý jáne bilim berý salasyndaǵy máselelerdi qamtıtyn suraqtar kóptep túsýde. Sondaı-aq Elbasynyń atyna elimizdiń mádenı-tarıhı damýyna qatysty saýaldar jıi kelýde. Máselen, Rýdnyı qalasynyń turǵyny Laıyq Seıitov Túrkistan qalasyn túrki tildes halyqtardyń rýhanı astanasy etip jarııalaýdy usynyp otyr. Ol bolashaqta Túrkistan qalasynyń kórkeıip, túrki tildes halyqtar birliginiń ortalyǵy bolatyndyǵyna senedi. Al 13 jasar Dıar Jorabekov búginde Frantsııanyń Lývr qalasyndaǵy halqymyzdyń asa qundy tarıhı jádigerleri - Qoja Ahmet ıAsaýı mazarynyń eki shyraǵdanyn qaıtarý qajettigin jazǵan.
Esterińizge sala keteıik, 2009 jyly qarashanyń 13-i kúni Qazaqstan Respýblıkasynyń Prezıdenti N.Nazarbaev «Qazaqstan», «Habar», «Astana qalalyq teledıdary» telearnalary jáne «Qazaq radıosy», «Astana radıosy» boıynsha ótetin tikeleı efırde azamattardyń teleefır, telefon, ınternet jáne SMS habarlamalary arqyly túsken suraqtaryna jaýap beretin bolady. Suraqtardy respýblıka boıynsha +7 (7172) 555-777 telefony men KCell, Beeline, Neo, Altel uıaly baılanysyn paıdalanýshylar úshin SMS habarlamalary arqyly 1111 nómirine jiberýge bolady. Sondaı-aq
www.line.gov.kz saıtynyń tıisti tarmaǵyn paıdalana otyryp, beınesuraqty joldaýǵa bolady. Al jazbasha saýaldy vopros@akorda.kz elektrondyq mekenjaıyna jiberýge múmkindik bar.
Aıta keteıik, «Qazaqtelekom» usynǵan baılanys tegin bolsa, uıaly telefondarǵa arnaıy tólemder qarastyrylǵan. «Tikeleı jeli» kezinde Elbasynyń nazaryna ilikpeı qalǵan saýaldarǵa tıisti memlekettik organdar bir aıdyń kóleminde jaýap ázirlep, saıtqa ornalastyratyn bolady. Al ınterneti joq aýyldy jerler úshin ákimdikter janynan qoǵamdyq qabyldaý bólimderi ashylǵan.
