Prezıdentke halyq tarapynan túsken saýaldardyń sany 1 myńnan asty
ASTANA. Qazannyń 31-i. QazAqparat /Arman Asqarov/ - Osy ýaqytqa deıin Elbasy Nursultan Nazarbaevtyń tikeleı jeli arqyly tildesýine oraı ashylǵan Baılanys ortalyǵyna qazaqstandyqtardan bir myńǵa jýyq saýal kelip tústi,
dep habarlaıdy QazAqparat.
Halyq tarapynan túsken saýaldardyń basym bóligi turǵyn-úı jáne kommýnaldyq-sharýashylyq máselelerin, Astanadaǵy jáne aımaqtardaǵy úleskerler problemasyn, jas otbasylarǵa baspana berý jáne memlekettik baǵdarlamany jalǵastyrý jaıyn qamtıdy. Osydan keıin halyqtyq áleýmettik qorǵaý jáne san alýan taqyryptaǵy saýaldar kóptep tirkelgen.
Esterińizge sala keteıik, qarashanyń 13-i kúni QR Prezıdenti N.Nazarbaev «Qazaqstan», «Habar», «Astana qalalyq teledıdary» telearnalary jáne «Qazaq radıosy» men «Astana radıosy» boıynsha ótetin tikeleı efırde azamattardyń telebaılanys, telefon ınternet jáne SMS habarlamalary arqyly túsken suraqtaryna jaýap beretin bolady. Saýaldardy 555-777 telefon nómirine jáne KCell, Beeline, Neo uıaly baılanysyn paıdalanýshylar úshin 1111 nómirine SMS habarlamalaryn joldaýǵa bolady. Sondaı-aq kókeıdegi suraqtardy vopros@akorda.kz elektrondyq mekenjaıyna jibere alasyz.
«Tikeleı jeli» barysynda jaýap berilmeı qalǵan suraqtarǵa tıisti memlekettik organdardyń jaýaptary daıyndalyp, osy saıtqa ornalastyrylatyn bolady.
