Prezıdentke Astana qalasyn abattandyrý jáne kógaldandyrý jospary tanystyryldy
ASTANA. KAZINFORM - Qala ákimi Jeńis Qasymbektiń aıtýynsha, bıyl 1,1 mıllıon jasyl jelek, sonyń ishinde qala aýmaǵynda 35 myń, elordanyń jasyl beldeýi aımaǵynda 200 myń túp kóshet otyrǵyzý josparlanǵan. Bul týraly Aqordanyń baspasóz qyzmeti habarlady.
Sonymen qatar qaladaǵy 170 qoǵamdyq oryndy, onyń ishinde Esil ózeniniń boıyn, Aqbulaq jaǵalaýyn, sondaı-aq Trıatlon parki, Beıbitshilik jáne kelisim saraıy, EKSPO mańyn abattandyrý jumystary jalǵasady.
Astana ákimi byltyr elordany kógaldandyrý jarǵysy qabyldanǵanyn atap ótip, atalǵan qujatqa sáıkes egilgen jasyl jelekti 3 jylǵa deıin kútip-baptaý mindeti júkteletinin jáne úlken aǵashtar men kópjyldyq ósimdikter otyrǵyzýǵa basymdyq beriletinin jetkizdi.
Prezıdentke «Myńjyldyqtar alleıasyn» damytý jospary jáne Dúnıejúzilik kóshpendiler oıyndaryna daıyndyq barysy jóninde baıandaldy.
Buǵan deıin Prezıdent qalalyq senbilikke qatysqanyn jazǵan bolatynbyz.
