Prezıdentke Aqmola oblysyndaǵy ınvestıtsııalyq jáne áleýmettik jobalar jóninde baıandaldy
ASTANA. KAZINFORM – Prezıdentke Aqmola oblysynda júzege asyrylyp jatqan ınvestıtsııalyq jáne áleýmettik jobalar jóninde baıandaldy, dep jazdy Aqorda.
Oblys ákimi Marat Ahmetjanov «Dıhan-Plıýs» sharýa qojalyǵynyń tájirıbesi negizinde agrarlyq salaǵa jasandy ıntellektini engizý boıynsha pılottyq joba iske qosylǵanyn aıtty. Sonyń nátıjesinde ónimdilikti arttyratyn, kásiporynnyń kirisin ulǵaıtatyn jáne bıýdjetke qosymsha tabys ákeletin agrotehnıkalyq sheshimder ázirlendi. Osy júıeni Aqmola oblysyndaǵy sharýa qojalyqtarǵa keńinen taratý josparlanyp otyr.
Qasym-Jomart Toqaevqa ınvestıtsııa tartý, óńdeý, agroónerkásip kesheni men qurylys salasynda jańa jobalardyń qolǵa alynǵany jóninde málimet berildi.
Memleket basshysyna áleýmettik turǵydan az qamtylǵan otbasylarǵa baspana berý, Kókshetaýda jańa JEO qurylysyn salý, oblys ortalyǵy men basqa da eldi mekenderdi sýmen jáne jylýmen qamtamasyz etý, medıtsınalyq, sporttyq nysandar qurylysyn júrgizý, ınfraqurylymdy damytý sharalary jaıynda baıandaldy.
Aıta keteıik, buǵan deıin Prezıdentke Kókshetaýdaǵy «Kók shalǵyn» jobasy tanystyryldy.
Qasym-Jomart Toqaev Aqmola oblysynda renovatsııa baǵdarlamasymen jańa qonysqa kóshken otbasymen áńgimelesti.
Sondaı-aq Prezıdent Kókshetaý qalasynyń 2050 jylǵa deıingi Bas josparymen tanysty.