Prezıdentke «A» korpýsyn jetildirý usynystary tanystyrylady
ASTANA. QazAqparat - Elbasyna «A» korpýsy basqarýshylar ınstıtýtyn jetildirý boıynsha usynystar tanystyrylady. Bul týraly búgin QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń alqa májilisinde osy vedomstvonyń tóraǵasy Qaırat Qojamjarov málim etti, dep habarlaıdy QazAqparat.
«Jınaqtalǵan tájirıbeni eskere otyryp, «A» korpýsy basqarýshylar ınstıtýtyn jetildirý qajettilik etedi. Prezıdent Ákimshiligimen birlese tujyrymdamalyq usynysty ázirledik jáne ol Memleket basshysynyń qaraýyna engiziledi. Bul óz kezeginde «A» korpýsynda laýyzymdar sanyn qysqartýǵa qatysty bolady. Atap aıtqanda, bul topta jaýapty hatshylar, mınıstrlikterdegi komıtet tóraǵalary, óńirler ortalyǵynda apparat jetekshileri, aýdan jáne qala ákimderi ǵana qamtylyp, saqtalady. Bos oryndardy tikeleı konkýrs jolymen jetkilikti tájirıbesi men qajetti quzyreti bar qyzmetkerler almastyrady. Sonymen qatar búginde «A» korpýsynyń rezervi paıdalanylady. Bundaı qadam tolyqtaı kareralyq modeldiń ustanymdaryna jaýap beredi»,-dedi Qojamjarov.
Onyń sózine qaraǵanda, aldaǵy jyldan bastap nátıjege baılanysty bolatyn eńbekti tóleýdiń jańa júıesine kóshý josparlanyp otyr. Osy oraıda agenttik basshysy óńirlerde memlekettik organdardyń maqsatty ındıkatorlaryna jetý boıynsha árbir laýazymǵa baǵalaýdyń ólshemdi ári naqty belgisin ázirlep shyǵýy kerektigin atap ótti.
