Prezıdentikke kandıdat Sálim Óten memlekettik tildi qanshalyqty meńgergendigi jónindegi synaqty búgin tapsyratyn boldy
ASTANA. 12 aqpan. QazAqparat /Aıdar Ospanalıev/ - Búgin tústen keıin Prezıdenttikke kandıdattardyń memlekettik tildi erkin meńgergendigin anyqtaý jónindegi lıngvıstkalyq komıssııaǵa emtıhandy Prezıdenttikke kandıdat Sálim Óten tapsyrady.
Bul týraly búgin jýrnalıstermen suhbattasqan lıngvıstıkalyq komıssııa tóraǵasy Myrzataı Joldasbekov málim etti.
Esterińizge sala keteıik, Sálim Óten ózin-ózi usyný jolymen ózin kandıdat retinde tirkeý jóninde Ortalyq saılaý komıssııasyna alǵash bolyp ótinish túsirgen azamat. Osyǵan qaraı onyń Prezıdenttikke kandıdattardyń memlekettik tildi erkin meńgergendigin anyqtaý jónindegi komıssııaǵa emtıhan tapsyrý merzimi de ózge kandıdattardan buryn belgilendi. Alaıda S.Óten emtıhan ótetindigi jóninde aldyn ala eskertilgenimen emtıhanǵa ýaqytynda kele almaı Ortalyq saılaý komıssııasyna emtıhandy keıinge shegere turý jóninde ótinish bergen bolatyn.
