Prezıdenti kýbogy: Qorjynǵa alǵashqy altyn medal tústi
Birinshi raýndtan bastap eki boksshy jyldam qımyldady. Sánııa Sultanqyzy qarsylasyna tóne túsip, barynsha qatty soqqy jasaýǵa tyrysty. Alaıda japondyq boksshy djebpen ara qashyqtyqty saqtap júrdi, qarymta shabýyldary da ótip turdy. Ekinshi raýndta Sánııanyń birneshe qatty soqqysy dittegen jerine jetti. Al úshinshi raýndta qysym jasap, qarsylasyna rıngtiń ortasyn bermedi. Raýndtyń aıaǵyna qaraı ekeýi de sharshap qaldy. Biraq japondyq boksshy jyldam qımyldap, birneshe soqqy jasap ketti. Tóreshiler sheshimimen Sánııa Sultanqyzy jeńiske jetip, týrnırdiń alǵashqy altyn júldesin qorjynǵa saldy.
Aıta keteıik, buǵan deıin 51 kelide japondyq Namıkı Tsýkýmı altynnan alqa taqty. Jartylaı fınalda ol eki dúrkin álem chempıony Nazym Qyzaıbaıdy jeńip ketti.
Alda 60 kelide eki qazaqstandyq boksshy - Rımma Volosenko men Aıjan Qojabekova altyndy sarapqa salsa, 75 kelide Darıǵa Shákimova shvetsııalyq Lav Holgersonmen kúsh synasyp kóredi.
Al erler arasynda 49 kelide Jomart Erjan - Temirtas Júsipov, 52 kelide Ánýar Muzafarov - Ladon Rogen Sıaga (Fılıppın), 56 kelide Qaırat Eralıev - Dıýk Lamond Ragan (AQSh), 64 kelide Bekdáýlet Ibragımov - Ikboljon Holdarov (Ózbekstan), 69 keli salmaqta Abylaıxan Júsipov - Aslanbek Shyńbergenov, 75 kelide Ábilxan Amanqul - Erik Áljanov, 81 keli salmaqta Bek Nurmaǵambet - Bektemir Melıkýzıev (Ózbekstan), al +91 kelide Qamshybek Qońqabaev reseılik Maksım Babanınmen judyryqtasady.
Foto: kfb.kz