Prezıdent zııatkerlik menshik máseleleri boıynsha zańǵa qol qoıdy

ASTANA. KAZINFORM — Memleket basshysy «Qazaqstan Respýblıkasynyń keıbir zańnamalyq aktilerine zııatkerlik menshik máseleleri boıynsha ózgerister men tolyqtyrýlar engizý týraly» Zańǵa qol qoıdy. Bul týraly Aqorda málim etti.

— Zań zııatkerlik menshik quqyǵyn qorǵaýdy kúsheıtý maqsatynda ázirlendi jáne birqatar shara qabyldaýdy qarastyrady, — delingen habarlamada.

Sonyń ishinde:

— kórý qabileti buzylǵan adamdardyń jarııalanǵan shyǵarmalardy avtorlardyń ruqsatynsyz jáne olarǵa syıaqy tólemeı-aq kópshilik aldynda oryndaýyna, taratýyna, jalpyǵa jetkizýine múmkindik berý;

— taýar belgilerin tezdetip tirkeýdi engizý. Qazir tirkeý 7 aı ishinde júrgiziledi. Zań aqyly túrde tirkeý tetigin engizýde, sonyń nátıjesinde ýaqyt 4 aıǵa deıin qysqarady. Bul taýar belgileriniń ıelerine óz taýarlaryn naryqqa tezirek shyǵarýyna jaǵdaı jasaıdy;

— taýar belgisin tirkeýge qatysty shaǵymdaný merzimin ulǵaıtý. Qazirgi ýaqytta shaǵymdaný merzimi — 1 aı. Zań bul merzimdi 2 aıǵa ulǵaıtpaq.

— avtorlar men quqyq ıeleriniń shaǵymy boıynsha avtorlyq jáne sabaqtas quqyq obektilerin qoldanýdy ádilet organdarynyń jospardan tys tekserýi arqyly memlekettik baqylaý engizý kózdelgen;

— ujymdyq quqyqtyq basqarý salasynda biryńǵaı tsıfrlyq platforma engizilmek.

Zańnyń mátini baspasózde jarııalanady.

Eske sala keteıik, buǵan deıin Prezıdent UQShU Ujymdyq qaýipsizdik keńesiniń otyrysyna qatysý úshin Bishkekke baratyny habarlandy.