Prezıdent zııatkerlik menshik týraly zańnamany jetildirý týraly zańǵa qol qoıdy

NUR-SULTAN. QazAqparat - Memleket basshysy «Qazaqstan Respýblıkasynyń keıbir zańnamalyq aktilerine zııatkerlik menshik jáne memleket kepildik bergen zań kómegin kórsetý salalaryndaǵy zańnamany jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.

Bul týraly QazAqparat Aqordanyń resmı saıtyna silteme jasap habarlaıdy.

Aıta keteıik, zań osy quqyqtardy ujymdyq negizde basqaratyn uıymdardyń jáne patenttik senim bildirilgen ókilderdiń qyzmetiniń ashyqtyǵyn qamtamasyz etýge arnalǵan. Sondaı-aq qujatta zııatkerlik menshik quqyqtary men ónerkásiptik menshik obektilerin qorǵaýdy kúsheıtý máselesi qarastyrylǵan. Zańda ulttyq zańnama normalaryn osy saladaǵy halyqaralyq ustanym men tájirıbeleriniń erejelerimen sáıkestendirýge qatysty da normalar bar. Sonymen qatar, engizilgen ózgerister memleket kepildik bergen zań kómegin alý aıasyn keńeıtýge de baǵyttalyp otyr. Aldaǵy ýaqytta osy zań elimizde zııatkerlik menshik naryǵyn damytýǵa, azamattardyń quqyqtaryn qamtamasyz etýge óz septigin tıgizedi degen senim bar.

Sondaı-aq zań halyqqa memleket kepildik bergen zań kómegin 2025 jylǵa qaraı 2 esege ulǵaıtý jónindegi mindetti sheshý usynylady.

Zańnyń mátini baspasózde jarııalanady.