Prezıdent jýrnalıster qaýymyn kásibı merekesimen quttyqtady
ASTANA. KAZINFORM — Prezıdent eń aldymen buqaralyq aqparat quraldary qyzmetkerlerin merekesimen quttyqtap, jyly lebizin bildirdi. Bul týraly Aqordanyń baspasóz qyzmeti málim etti.
— Bul kásibı merekeniń el ómirinde alatyn orny aıryqsha. Sebebi jýrnalıster qaýymy — eń aldymen qoǵamnyń jarshysy ári shynaıy janashyry. Sizder árdaıym halyqtyń kókeıinde júrgen ózekti máselelerdi kóterip, jurt múddesine adal qyzmet etip kelesizder. Qazirgi jahandyq tehnologııa damyǵan zamanda azamattarǵa jedel, sapaly ári shynaıy aqparat taratý, utymdy saraptama usyný da jýrnalıster qaýymyna júktelgen abyroıly mindet sanalady. Memleket sizderdiń eren eńbekterińizdi joǵary baǵalaıdy. El Prezıdenti retinde búgin men barsha medıa salasy mamandaryna shynaıy rızashylyǵymdy bildiremin, — dedi Memleket basshysy.
Buǵan deıin Memleket basshysy birqatar zańǵa qol qoıǵanyn jazdyq.
