Prezıdent júldesin «Habar» arnasy jeńip aldy – jýrnalıster arasyndaǵy shaǵyn fýtbol
NUR-SULTAN. QazAqparat – «Astana-Arenada» Prezıdent júldesi úshin jýrnalıster arasyndaǵy shaǵyn fýtboldan ótken týrnırdiń jeńimpazdary anyqtaldy, dep habarlaıdy QazAqparat tilshisi.
Eske sala ketsek, búgin «Astana-Arenada» jýrnalıster Prezıdent júldesi úshin shaǵyn fýtboldan ózara myqtyny anyqtaǵan bolatyn. BAQ ókilderi arasynda Qazaqstan Respýblıkasy Prezıdentiniń júldesi úshin shaǵyn fýtboldan respýblıkalyq týrnır Konstıtýtsııasy kúnine oraı uıymdastyrylǵan. Týrnırdiń maqsaty – BAQ qyzmetkerleri arasynda salaýatty ómir saltyn nasıhattaý, áriptestik jáne dostyq qarym-qatynasty nyǵaıtý bolyp otyr.
Shaǵyn fýtboldan ótip jatqan týrnırge Aqmeshit, Jetisý TDK, NGS, Baspasóz Prezıdent, Eýrazııa ORT, QazSport, Habar24, Qazaqnıýs, Qyzyljar, Qazmedıa, Sport 59, Óskemen, Taraz, Habar, Túrkistan, Aıqyn Lıter, Egemen Qazaqstan, El Arna, Shymkent, Atameken, Qazaq radıolary, QSport, Elorda Aqparat, Aport, Oral syndy komandalar qatysty.
Tartysty oıynda «Habar» arnasy jeńimpaz atansa, ekinshi oryndy «Qazsport» ıelendi. Úshinshi oryn «Habar 24» komandasyna buıyrdy. 1-oryn ıegerlerine 1,5 mln teńge, 2 orynǵa 700 myń teńge, 3 orynǵa 300 myń teńge berildi. Sonymen qatar, úzdik oıynshylar 100 myń teńge kóleminde aqshalaı syılyqpen marapattaldy.
