Prezıdent Joldaýynda ósip-órkendeýdiń naqty qadamdary kórsetildi - Nurlan Nyǵmatýlın

NUR-SULTAN. QazAqparat – Memleket basshysy Qasym-Jomart Toqaevtyń Joldaýynda ósip-órkendeýdiń naqty qadamdary kórsetildi. Bul týraly Parlament Májilisiniń tóraǵasy Nurlan Nyǵmatýlın málim etti, dep habarlaıdy QazAqparat tilshisi.

«Búgin Prezıdent jetinshi saılanǵan Parlamenttiń ekinshi sessııasyn ashyp, óziniń Qazaqstan halqyna kezekti Joldaýyn jarııalady. Memleket basshysy Qasym-Jomart Kemeluly Toqaevtyń búgingi Joldaýy - Qazaqstanymyzdyń turaqtylyǵyn saqtaı otyryp, memleketti odan ári damytýǵa arnalǵan Strategııalyq qujat. Sebebi, Joldaýda saıası, áleýmettik-ekonomıkalyq ósip-órkendeýdiń naqty joldary, naqty qadamdary kórsetildi», - dedi N. Nyǵmatýlın Májilistiń jalpy otyrysynda.

Osy oraıda Májilis tóraǵasy agroónerkásip, densaýlyq, bilim, aımaqtar damýy jáne basqa da baǵyttardy nyǵaıtýǵa erekshe kóńil bólingenin atyp ótti.

«Al, bizdiń depýtattyq korpýstyń endigi basty maqsaty - osy barlyq bastamalardy sapaly zańdarmen qamtamasyz etý», - dedi ol.

Aıta keteıik, búgin Májilistiń jalpy otyrysynda depýtat Azat Sembınovtiń ókilettigin merziminen buryn toqtatyldy.