Prezıdent Joldaýyn iske asyrý jalpyulttyq jospary 102 is-sharany qamtıdy – Áset Erǵalıev
«Memleket basshysynyń 2021 jylǵy 1 qyrkúıektegi «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn iske asyrý jónindegi Jalpyulttyq is-sharalar josparynyń jobasyn qaraý úshin engizilip otyr. Jalpyulttyq jospardyń jobasy 102 is-sharany qamtıdy. Bul Joldaý halqymyzdyń ál-aýqatyn arttyrý úshin 5 bastamany jáne 7 baǵytty iske asyrýdy kózdeıdi», - dedi mınıstr.
Onyń atap ótýinshe, birinshi baǵytta - 27, ekinshi baǵytta- 8, úshinshi baǵytta - 12, tórtinshi baǵytta – 22 jáne besinshi baǵytta 6, altynshy baǵytta 13, jetinshi baǵytta 5 is-sharany júzege asyrý kózdelgen.
«Ulttyq ekonomıka mınıstrligi ortalyq jáne jergiliktik atqarýshy organdarmen birlesip, Jalpyulttyq jospardyń ýaqtyly jáne sapaly oryndalýyn qamtamasyz etý, aqparattyq-túsindirý jumystaryn júıeli júrgizý, sonymen birge is-sharalardy júzege asyrýdyń turaqty monıtorıngin jasaý boıynsha tıisti jumystar júrgizetin bolady», - dedi Áset Erǵalıev.
