Prezıdent Joldaýy: «Eır Astana» bılet baǵasy qaıtkende arzandaıtynyn aıtty
«QR Prezıdentiniń Joldaýyna sáıkes, áýe tasymalyn qoljetimdi etý úshin «Eır Astana» kompanııasy FlyArystan jobasyn jetildire túspek. Ol úshin jyl sońyna deıin taǵy eki Airbus A320 laınerin satyp alamyz. Nátıjesinde reısterdiń sany kúnine eki esege artady. 2020 jyldyń sońyna qaraı FlyArystan ushaqtarynyń sanyn 10-ǵa jetkizý kózdelgen. Sonyń arqasynda kúndelikti reısterdiń sany 72-ge jetedi. ıAǵnı, Qazaqstan ishinde ushý kestesi edáýir keńeıtiledi. ıAǵnı, óńirler arasynda áýe qatynasy damıdy», - delingen kompanııa usynǵan aqparatta.
Korporatıvtik kommýnıkatsııalar jónindegi departament mamandary suranysy joǵary baǵyttar boıynsha bıletterdiń quny Eýropaǵa qaraǵanda 30 paıyzǵa qymbat bolýynyń sebebin de túsindirgen.
«Álemdegi barlyq áýe kompanııalary kerosın men ınjenerlik-tehnıkalyq qyzmet kórsetýdiń, tehnıka men qosalqy bólshekterdiń, áýejaıdaǵy maman daıarlaý standarttarynyń qunynan shyǵyn shegedi. Bul rette Batys tehnıkasyn paıdalanatyn Qazaqstan áýe kompanııalary sheteldik básekelesteri sııaqty atalmysh shyǵyndardy sheteldik valıýtamen tóleıdi», - delingen málimette.
«Eır Astana» áýe tasymalyndaǵy qazirgi baǵany túsirý úshin qabyldanýy tıis sharalardy da atady.
«Áýe tasymalynyń qunyn túsirý úshin aldymen Qazaqstan áýejaılarynda tarıfti kórsetiletin qyzmetterdiń artýyna qaraı túsirý qajet. Al jolaýshy aǵyny báseń óńirlerde áýejaı shyǵynynyń bir bóligi sýbsıdııalanýy tıis.
Reseı tájirıbesine súıene otyryp, ishki reısterge salynatyn qosymsha qun salyǵyn alyp tastaý qajet. Bul bılet baǵasyn 12 paıyzǵa arzandatady. Qosymsha qun salyǵynyń alýynýy Reseıde óńiraralyq reısterdi jıiletip, aýmaǵyn keńeıtip otyr», - delingen kompanııanyń aqparatynda.
