Prezıdent Joldaýy aıasynda Qazaqstannyń ınvestıtsııalyq strategııasy jasaqtalady
ASTANA. QazAqparat - Prezıdent Joldaýy aıasynda Qazaqstannyń ınvestıtsııalyq strategııasy jasaqtalady. Bul týraly búgin Úkimet otyrysynda QR Premer-Mınıstri Baqytjan Saǵyntaev málim etti.
"Prezıdent shetel ınvestıtsııasyn tartýda Qazaqstannyń kóshbasshylyǵyn saqtap qalýdy tapsyrdy. Bul jumys ınvestıtsııa tartý júıesiniń úılestirý reformasy aıasynda júzege asyrylady. 1 qyrkúıekke deıin ınvestıtsııalyq strategııany qabyldaý qajet", - dedi Úkimet basshysy.
Sonymen qatar B. Saǵyntaev Investıtsııalar jáne damý mınıstrligine transulttyq kompanııalardy Qazaqstanǵa tartý isin odan ári belsendirýdi júktedi.
"Jeńis Maxmuduly (Qasymbek), bizge óndiris pen taýar ótkizý jahandyq tizbegine enýge kómektesetin transulttyq kompanııalardy tartý jumystaryn belsendire túsý kerek. Qytaılyq óndiristerdi Qazaqstanǵa kóshirý boıynsha Qytaımen birlesken ınvestıtsııalyq jobalardy jalǵastyrý qajet. Sonymen qatar Memleket basshysynyń ınvestıtsııalar jáne damý mınıstrligine bergen tapsyrmasy aıasynda, tıisti ınfraqurylymdardy damytý arqyly eksportqa baǵyttalǵan elektromobılderdiń óndirisin ary qaraı damytý suraǵyn qolǵa alý kerek", - dedi ol.
