Kazinform Prezıdenttiń halyqqa Joldaýyn onlaın kórsetedi
ASTANA. KAZINFORM – Memleket basshysy Qasym-Jomart Toqaevtyń Qazaqstan halqyna Joldaýyn Kazinform saıtynan kóre alasyzdar. Translıatsııa Jibek Joly resmı saıty jáne Youtube arnasy, sondaı-aq Prezıdent Teleradıokesheniniń Instagram jelisindegi paraqshasynda júredi.
Buǵan deıin habarlanǵanyndaı, búgin saǵat 11:00-de Memleket basshysy Qasym-Jomart Toqaev Qazaqstan halqyna Joldaýyn jarııalaıdy. Joldaý barlyq respýblıkalyq telearnalardan tikeleı efırde kórsetiledi.
Memleket basshysy Qasym-Jomart Toqaev Qazaqstan halqyna Joldaýyn Parlament palatalarynyń birlesken otyrysynda jarııalaıdy. Jıynǵa Senat pen Májilis depýtattary, ortalyq memlekettik organdardyń basshylary, Ulttyq quryltaı, Adam quqyqtary jónindegi komıssııa, Áıelder isteri jáne otbasylyq-demografııalyq saıasat jónindegi ulttyq komıssııa músheleri, qoǵam ókilderi jáne eńbek ujymdary qatysady.
Prezıdent Joldaýynda elimizdiń saıası jáne áleýmettik-ekonomıkalyq damý perspektıvalaryna qatysty máseleler qamtylady.
