Prezıdent Joldaýyn daıyndaý jáne iske asyrý erejesi ózgerdi
ASTANA. KAZINFORM – Memleket basshysy QR Prezıdentiniń Joldaýyn daıyndaý jáne iske asyrý, aktilerimen jáne tapsyrmalarymen jumys isteý jáne olardyń oryndalýyn baqylaýdy júzege asyrý, normatıvtik quqyqtyq jarlyqtarǵa monıtorıng júrgizý qaǵıdalaryn bekitý týraly erejege ózgertýler engizý týraly 2025 jyldyń 10 aqpanyndaǵy jarlyqqa qol qoıdy.
Erejege sáıkes, Úkimet apparaty jalpyulttyq jospar bekitilgennen keıingi 20 jumys kúniniń ishinde jobalyq basqarýdyń aqparattyq júıesine jalpyulttyq jospar is-sharalaryn iske-asyrý jol kartasynyń qalyptastyrylýyn jáne toltyrylýyn qamtamasyz etedi.
Jaýapty memlekettik organ Prezıdent pen Prezıdent Ákimshiligi basshylyǵynyń zańnamalyq túzetýler qabyldaý máseleleri jónindegi tapsyrmasy kelip túsken kúnnen bastap, eki apta merzimde Prezıdent Ákimshiligine jáne Úkimet apparatyna Ádilet mınıstrligimen kelisilgen oryndaý protsesi men onyń kezeńderi týraly paıym engizedi.
Tapsyrmalardy oryndaý merzimin uzartýǵa (birinshi uzartýǵa) kináli laýazymdy adamdardyń tártiptik jaýaptylyǵy týraly máseleni qaraı otyryp, Prezıdenttiń nemese Prezıdent Ákimshiligi Basshysynyń sheshimi boıynsha jol beriledi.