Prezıdent Joldaýy: Atyraýda bilim men eńbek naryǵy talqylandy
ATYRAÝ. KAZINFORM — Memleket basshysynyń Qazaqstan halqyna arnaǵan Joldaýyn túsindirýge baǵyttalǵan aqparattyq-túsindirý kezdesýleri Atyraý oblysynda bastaldy.
Osy maqsatta qurylǵan top músheleri óńirdegi túrli mekeme men uıymdardyń ujymdarymen júzdesip, Joldaýda belgilengen basym baǵyttardy talqylaýda.
Búgin Halel Dosmuhameduly atyndaǵy Atyraý ýnıversıtetinde joǵary oqý ornynyń professor-oqytýshylar quramy jáne stýdentterimen kezdesý ótýde.
Basqosýǵa Qazaqstan Respýblıkasy Quryltaıynyń depýtattary Arman Haırýllın men Musa Haırýllıev, Qazaqstan Halyq Keńesiniń múshesi Nazarbek Qosshıev, Halyqty áleýmettik qorǵaý salasyndaǵy retteý jáne baqylaý komıtetiniń Atyraý oblysy boıynsha departamentiniń basshy orynbasary Aıgerım Bekqalıeva, Ulttyq ekonomıka vıtse-mınıstri Erlan Saǵynaev jáne Energetıka vıtse-mınıstri Erlan Aqbarov, Ekologııa jáne tabıǵı resýrstar mınıstrligi Ekologııalyq retteý jáne baqylaý komıteti tóraǵasynyń orynbasary Álibek Bekmuhambetov qatysýda.
Kezdesý barysynda Memleket basshysynyń Joldaýynda aıqyndalǵan el damýynyń strategııalyq baǵyttary, ekonomıkany jańǵyrtý, energetıka salasyn damytý, eńbek naryǵyn jetildirý, áleýmettik saıasat, ekologııalyq máseleler men adamı kapıtaldy nyǵaıtý baǵytyndaǵy mindetter sóz bolýda.
Ásirese, joǵary oqý ornynyń oqytýshylary men stýdentteri úshin bilim men ǵylymnyń el damýyndaǵy orny, jastardyń básekege qabilettiligin arttyrý, zamanaýı tehnologııalardy meńgerý jáne eńbek naryǵynyń jańa talaptaryna beıimdelý máseleleri talqylanýda. Osy oraıda spıkerler Joldaýda belgilengen mindetterdiń salalar boıynsha júzege asý baǵyttaryna toqtalyp, ózekti máselelerge qatysty túsinik berýde.
Jıyn ashyq pikir almasý formatynda ótip, qatysýshylar ózderin tolǵandyrǵan saýaldaryn qoıyp, usynystaryn bildirýde.
Aqparattyq-túsindirý kezdesýleriniń negizgi maqsaty – Memleket basshysy aıqyndaǵan mindetterdi qoǵamǵa keńinen túsindirý, túrli sala ókilderimen pikir almasý jáne el damýyna qatysty bastamalardy ortaq talqylaý.
