Prezıdent Joǵary Eýrazııalyq ekonomıkalyq keńestiń shaǵyn quramdaǵy otyrysyna qatysty
ASTANA. KAZINFORM — Memleket basshysy Qasym-Jomart Toqaev Sankt-Peterbýrg qalasynda ótken Joǵary Eýrazııalyq ekonomıkalyq keńestiń (JEEK) kezekti otyrysyna qatysty, dep habarlaıdy Aqorda.
Kezdesýge Qazaqstan Prezıdentimen birge Reseı Federatsııasynyń Prezıdenti Vladımır Pýtın, Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sadyr Japarov, Armenııa Respýblıkasynyń Premer-mınıstri Nıkol Pashınıan, sondaı-aq Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev qatysty.
Keńes otyrysynda Eýrazııalyq ekonomıkalyq odaq jumysynyń kelesi jyly atqaratyn negizgi mindetteri men baǵyttary talqylandy.
Sonymen qatar jıynǵa qatysýshylar EAEO-nyń qazirgi qyzmetine baılanysty birqatar másele jóninde pikir almasty.
Aıta keteıik, búgin Memleket basshysy Sankt-Peterbýrg qalasyna barǵan bolatyn.