Prezıdent Joǵary Eýrazııalyq ekonomıkalyq keńestiń shaǵyn quramdaǵy otyrysyna qatysty
Qasym-Jomart Toqaev Sankt-Peterbýrg qalasynda ótken Joǵary Eýrazııalyq ekonomıkalyq keńestiń (JEEK) kezekti otyrysyna qatysty, dep habarlaıdy Kazinform.
Shaǵyn quramdaǵy kezdesýge Qazaqstan Prezıdentimen qatar, Reseı Federatsııasynyń Prezıdenti – JEEK tóraǵasy Vladımır Pýtın, Armenııa Premer-mınıstri Nıkol Pashınıan, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, sondaı-aq Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıch qatysty.
Memleketter basshylary Eýrazııalyq ekonomıkalyq odaq aıasyndaǵy ıntegratsııalyq protsesterdi odan ári damytýdyń negizgi mindetteri men basty baǵyttaryn, sondaı-aq Uıymnyń 2024 jylǵa arnalǵan halyqaralyq yntymaqtastyq josparyn talqylady.
Sonymen qatar jıynǵa qatysýshylar EAEO qyzmetiniń jekelegen aspektileri jóninde pikir almasty.
