Prezıdent Joǵary Eýrazııalyq ekonomıkalyq keńestiń keńeıtilgen quramdaǵy otyrysyna qatysty
ASTANA. KAZINFORM — Jıynda Eýrazııalyq ekonomıkalyq odaqtyń negizgi seriktesterimen saýda-ekonomıkalyq yntymaqtastyqty damytýǵa qatysty ózekti máseleleri talqylandy.
Sondaı-aq ónerkásip, kólik jáne logıstıka, agrarlyq sektor, tsıfrlandyrý jáne jasandy ıntellekt sekildi basty baǵyttar boıynsha ózara tıimdi yqpaldastyq perspektıvasy qarastyryldy.
Otyrysta Iran Prezıdenti Masýd Pezeshkıan (beıneúndeý formatynda), Kýba Prezıdenti Mıgel Marıo Dıas-Kanel Bermýdes, Ózbekstan Prezıdenti Shavkat Mırzıeev, Abý Dabıdiń Taq murageri sheıh Haled ben Muhammed ben Zaıd Ál Nahaıan, Mońǵolııa Premer-mınıstriniń birinshi orynbasary Ýchral Nıam-Osoryn sóz sóıledi.
Kelesi jyly Joǵary Eýrazııalyq ekonomıkalyq keńeske Qazaqstan Respýblıkasy tóraǵalyq etedi.
Jıyn sońynda birqatar qujatqa, sonyń ishinde Mońǵolııamen saýda kelisimine jáne Birikken Arab Ámirlikterimen ekonomıkalyq seriktestik jónindegi kelisimge qol qoıyldy.
Buǵan deıin Prezıdent Abý Dabıdiń Taq muragerimen júzdesti.