Prezıdent Joǵarǵy sot tóraǵasy Aslambek Merǵalıevti qabyldady

ASTANA. KAZINFORM — Memleket basshysyna elimizde ádil sot tóreligin qamtamasyz etý máseleleri týraly baıandaldy. Sondaı-aq sot júıesin reformalaýǵa qatysty buǵan deıin berilgen tapsyrmalarynyń oryndalý barysy jaıynda aıtyldy. 

Aslambek Merǵalıev sot isine jasandy ıntellekt pen robotızatsııa elementteri bar IT-servısterdiń engizilýi jóninde málimet berdi.

Bul shara sottar qyzmetindegi ashyqtyq pen ádil sot tóreligine yqpal etedi.

Memleket basshysy sot júıesinde júrgizilip jatqan reformalardyń sapasyna jáne isterdi qaraý kezinde sottyń barlyq satysynda zańdylyqty saqtaý máselesine aıryqsha nazar aýdardy.

Sonymen qatar Qasym-Jomart Toqaev sot qyzmetine aqparattyq tehnologııalardy engizý jumystaryn jalǵastyrý mańyzdy ekenin atap ótti.