Prezıdent jobalary ortaq tarıhymyzdyń belgisiz paraqtaryn ashady - Ilıa Terechenko
«Memleket basshysynyń «Uly dalanyń jeti qyry» atty maqalasynyń ýaqytyly ári ózekti ekendigi anyq. El tabysynyń kepili - bul ótken baı tarıhqa degen maqtanysh, qazirgi zamanǵa pragmatıkalyq baǵa berý jáne bolashaqqa degen pozıtıvti kózqaras. Dál osy paıym maqalanyń ón boıynda qyzyl jippen órilgen», - dedi Ilıa Terechenko QazAqparat tilshisine bergen suhbatynda.
Onyń aıtýynsha, Elbasy barsha qazaqstandyqtardy shyqqan tegin tanýǵa jáne óziniń ótkenine tarıhı protsesterdiń kópqyrlylyǵyn eskere otyryp, qazirgi zamanǵy ǵylym bıiktiginen qaraýǵa, belgili bir oqıǵalardy durys ári ádil baǵalaýǵa úndeıdi. Bul rette Memleket basshysy osynaý Uly dalada ómir súrip jatqan kóptegen etnostar úshin ortaq Otan sanalatyn Qazaqstan tarıhy týraly sóz bolyp otyrǵanyn aıryqsha atap ótedi.
«Baıyrǵy ulttyń ókili bolmasam da, Qazaqstan tarıhy - taǵdyr talqysymen kóp japa shekken osynaý ulanǵaıyr jerdiń bólshegine aınalǵan meniń tarıhym, meniń otbasymnyń tarıhy ekendigin aıtqym keledi. Memleket basshysy naqty aıqyndap bergen Uly dalanyń árbir jeti qyry barlyq qazaqstandyqtyń aıryqsha maqtanysh sezimin týǵyzady. Al «Arhıv-2025» jeti jyldyq baǵdarlamasy aıasynda ótkendi odan ary zerdeleý, «Uly dalanyń uly esimderi» atty oqý-aǵartý entsıklopedııalyq saıabaǵyn ashý, «Túrki órkenıeti: túp tamyrynan qazirgi zamanǵa deıin» atty jobany qolǵa alý usynystary baıypty zertteýler júrgizip, kóptegen irgeli máselelerdi paıymdaýǵa jáne ortaq tarıhymyzdyń belgisiz paraqtaryn ashýǵa múmkindik beredi», - dedi Ilıa Terechenko.
Spıkerdiń pikirinshe, «Rýhanı jańǵyrý» jalpyulttyq baǵdarlamasynyń jańa komponentterin júzege asyrý ótken kúnge pozıtıvti kózqaras qalyptastyryp, jastardy patrıotızmge tárbıeleý, qoǵamdyq sanany jańǵyrtýǵa aıtarlyqtaı úles qosady.
«Bizdiń odan arǵy jumysymyzda naqty baǵdarǵa aınalǵan maqalanyń shyǵýyn partııalastarym zor qyzyǵýshylyqpen ári qulshynyspen qabyldaǵanyn atap ótkim keledi», - dedi ol.
Aıta keteıik, búgin Elbasy Nursultan Nazarbaevtyń «Uly dalanyń jeti qyry» atty maqalasy jarııalandy.
Foto: www.om1.ru
