Prezıdent Jetisý oblysyndaǵy aýyl muǵalimin «Shapaǵat» medalimen marapattady
Bul týraly QR Oqý-aǵartý mınıstrliginiń baspasóz qyzmeti habarlady.
Ustaz 40 jyldyq eńbek jolynda myńǵa jýyq balany tárbıelep, oqytty.
Svetlana Petrovna eńbek jolyn 1982 jyly Alakól aýdanyndaǵy Glınovskıı orta mektebinde bastaýysh synyp muǵalimi bolyp bastap, búgingi kúnge deıin osy mektepte qyzmet etip keledi.
«Eńbegimniń joǵary baǵalanǵanyna óte qýanyshtymyn. Osy marapatqa jetý jolynda menimen birge bolǵandardyń barlyǵyna alǵys aıtqym keledi. Árıne, bul meniń ǵana emes, ujymym, otbasym jáne shákirtterimniń jetistigi. Bilim berý júıesindegi 40 jyldyq eńbekti baǵalaǵandaryńyzǵa myń alǵys», –dedi Svetlana Petrovna.
Svetlana Mınchenko tynymsyz eńbek etken 40 jyldan astam eńbek jolynda myńǵa jýyq bala ony alǵashqy ustazy dep atady. Ustaz oblystyq, respýblıkalyq zııatkerlik saıystardyń kóptegen jeńimpazyn daıyndady. Onyń bastaýysh synyp túlekteri ondaǵan jyldar ótken soń, pedagogti qurmetti ustaz retinde eske alyp júr.
Sonymen qatar Svetlana Mınchenko uzaq jyldar boıy jas muǵalimderge tálimger bolyp keledi.
