Prezıdent: Jergilikti ózin-ózi basqarý keńesi — túbegeıli jańa ınstıtýt

NUR-SULTAN. QazAqparat - Reformalar jónindegi joǵary keńestiń kezekti otyrysynda Qasym Jomart Toqaev jergilikti ózin-ózi basqarýdyń jańa organyna – keńeske júkteletin mindetterge arnaıy toqtaldy, dep habarlaıdy QazAqparat.

– Keńes – bul túbegeıli jańa ınstıtýt. Ol sheshim qabyldaý jáne baqylaý sııaqty naqty yqpal etý tetikterine ıe bolýy tıis. Jergilikti ózin-ózi basqarý organyna keıbir jergilikti salyqtar boıynsha bekitilgen mólsherleme aıasynyń sheginde túzetý engizý quqyǵyn berý mańyzdy jańalyq bolmaq. Bul rette dál osy keńes aýyldaǵy naqty áleýmettik-ekonomıkalyq jaǵdaıǵa baılanysty sheshim qabyldaıdy. ıAǵnı, bıznes ókilderin tartý úshin fıskaldi kiristiń barynsha kóp bolǵany qajet pe álde salyqtyń meılinshe tómen bolǵany kerek pe ony keńes ózi aıqyndaıdy. Atalǵan qujatty daıyndaý jáne keń aýqymda talqylaý úshin júrgizilgen jumystardy eskere otyryp, jalpy ony qoldaý kerek dep oılaımyn, – dedi Qasym-Jomart Toqaev.

Talqylaý qorytyndysy boıynsha Úkimetke Jergilikti ózin-ózi basqarýdy damytýdyń 2030 jylǵa deıingi tujyrymdamasyn bekitýge engizý tapsyryldy.