Prezıdent jer reformasy jónindegi komıssııa jumysyn bastaýdy tapsyrdy

NUR-SULTAN. QazAqparat – 1 aıdyń ishinde jer reformasy jónindegi komıssııa jumysyn bastaýy tıis. Bul týraly Ulttyq qoǵamdyq senim keńesiniń 5-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Bir aıdyń ishinde jer reformasy jónindegi komıssııany quryp, 25 naýryzda jumysqa kirisýdi tapsyramyn. Komıssııanyń quramyna agrarlyq sektordyń bedeldi ókilderin jáne jer máselesin jetik biletin sarapshylardy qosý kerek», - dedi Qazaqstan Prezıdenti.

Memleket basshysy Úkimetke bıylǵy tamyz aıynyń sońyna deıin jer reformasynyń negizgi máseleleri boıynsha ortaq málime arqyly túbegeıli baılam jasaýdy tapsyrdy.

Eske salsaq, Ulttyq keńestiń besinshi otyrysy ótip jatyr. Ulttyq qoǵamdyq senim keńesi quramynda rotatsııa jasaldy. Jańartylǵan Májilis quramynda Ulttyq keńestiń 9 múshesi bar. _Ótken jyly 22 qazanda QR Prezıdenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúıekte alǵashqy otyrysy boldy.