Prezıdent jeńispen oralǵan bir top ofıtser men áskerı qyzmetkerdi marapattady
ASTANA. KAZINFORM – Memleket basshysy UAE SWAT Challenge-2026 halyqaralyq jarysynyń jeńimpazdaryn marapattady. Bul týraly Aqorda málim etti.
— Memleket basshysynyń Jarlyǵymen UAE SWAT Challenge-2026 halyqaralyq jarysynan jeńispen oralǵan bir top ofıtser men áskerı qyzmetkerdi Baýyrjan Momyshuly atyndaǵy ІІ dárejeli «Aıbyn» ordenimen, «Jaýyngerlik erligi úshin» medalimen jáne Qazaqstan Respýblıkasy Prezıdentiniń Alǵysymen marapattaldy, — deldingen habarlamada.
Marapattaý rásiminde UAE SWAT Challenge-2026 týrnıriniń qatysýshylary Nursultan Saparov, Darına Bıldenova, Maksım Býhmetov jáne Natalıa Mestoeva sóz sóıledi.
Qasym-Jomart Toqaev UAE SWAT Challenge-2026 halyqaralyq jarysynyń jeńimpazdarymen sýretke tústi.
Aıta ketelik qazaqstandyq arnaıy jasaq halyqaralyq týrnırde top jarǵan edi. Sonymen qatar Prezıdent terrorızmge qarsy bólimshelerdi halyqaralyq jarysta úzdik atanýymen quttyqtaǵan edi. Sondaı-aq Astanalyqtar UAE SWAT Challenge jeńimpazdaryn qurmetpen qarsy alǵan edi.