Prezıdent aqyn Marfýǵa Aıthojany 90 jasqa tolǵan mereıtoıymen quttyqtady
ASTANA. KAZINFORM - Memleket basshysy aqyn, Qazaqstannyń halyq jazýshysy Marfýǵa Aıthojaǵa quttyqtaý jedelhatyn joldady. Bul týraly Aqorda jarııalady.
Prezıdent Qasym-Jomart Toqaev kórnekti aqyn, qoǵam qaıratkeri, erekshe daryn ıesi retinde halyq qurmetine bólengen Marfýǵa Ǵalıqyzyn 90 jasqa tolǵan mereıtoıymen quttyqtady.
Memleket basshysy jedelhatta aqyn ǵıbratty ǵumyryn ulttyq ádebıet pen mádenıetti damytýǵa, qazaq poezııasynyń órisin keńeıtýge arnaǵanyn atap ótken.
– Qazaqtyń darhan dalasy men tamyry tereń tarıhyn, ultymyzdyń yntymaq-birligi men salt-dástúrin órshil de syrshyl óleńderińizge arqaý ettińiz. Oqyrman qaýym jyrlaryńyzdy súısinip oqıdy jáne ózińizdi «Qazaqtyń jyr Aqqýy» dep ardaqtaıdy. Aldaǵy ýaqytta da ónegeli ómirińizben óskeleń urpaqqa úlgi bolyp, el-jurttyń ortasynda syı-qurmetke bólene berýińizge tilektestigimdi bildiremin, – delingen quttyqtaýda.
Memleket basshysy Oljas Súleımenovti mereıtoıymen quttyqtaǵanyn jazǵan edik.
