Prezıdent jaýapkershilikti sezinetin memleketshil mamandar daıyn boldy dep eseptep otyr - Battalhanov
«Elbasy memleketimiz úshin tarıhı qadam jasap otyr. Prezıdenttiń bılik tarmaqtarynyń ókilettikterin bólip berý týraly usynysy Parlament pen Úkimettiń jaýapkershiligin arttyrdy. Depýtattar ár mınıstrdiń jaýapkershiligin talqylaı almaq. Bizdiń Úkimet memlekettik jobalardy ózderi ázirlep, ózderi jaýap beretin bolady. Al, endi basty másele - Prezıdent bizdiń Qazaqstanda osy jaýapkershilikti alyp kete alatyn, dúnıejúzilik ekonomıkaǵa aralasa alatyn memleketshil mamandar daıyn boldy dep eseptep otyr. Ol kadrlar mindetti moınyna alyp, ózderi jaýap bere alady dep sengendikten osyndaı usynys jasady», - dedi D.Qonaev atyndaǵy Eýrazııalyq zań akademııasynyń Qazaqstan halqy Assambleıasy kafedrasynyń jaýapty hatshysy Bolysbek Battalhanov
Aıta keteıik, búgin «Dostyq úıinde» Qazaqstan halqy Assambleıasy túrkimen qoǵamdyq-mádenı ortalyǵynyń jınalysy ótti. Jıynda Qazaqstan Prezıdenti Nursultan Nazarbaevtyń bılik tarmaqtary arasyndaǵy ókilettikterdi qaıta bólý máselesi boıynsha Konstıtýtsııaǵa ózgeris engizý týraly úndeýi talqylandy.
