Prezıdent «jasyl» ekonomıkany damytý máselelerine den qoıýdy tapsyrdy

ASTANA. QazAqparat – 2029 jylǵa qaraı energııany tutynýǵa jáne energııa shyǵynyna baılanysty negizgi kórsetkishter keminde 15 paıyzǵa azaıýǵa tıis. Muny Prezıdent Qasym-Jomart Toqaev «Ádiletti Qazaqstannyń ekonomıkalyq baǵdary» atty Qazaqstan halqyna Joldaýynda aıtty, dep habarlaıdy QazAqparat tilshisi.

«Úkimet energetıkalyq tıimdilik saıasatyn túbegeıli qaıta qaraýǵa tıis. Onda Ekonomıkalyq yntymaqtastyq jáne damý uıymynyń standarttary eskerilýi kerek. Energetıkany tıimdi paıdalanýǵa jáne basqa da resýrstardy únemdeýge qatysty naqty normatıvtik talaptardy birtindep engizý qajet. 2029 jylǵa qaraı energııany tutynýǵa jáne energııa shyǵynyna baılanysty negizgi kórsetkishter keminde 15 paıyzǵa azaıýǵa tıis. Biz «jasyl» ekonomıkany damytý máselesimen myqtap aınalysýymyz kerek. Bolashaqta búkil álem taza energetıkaǵa kóshetini sózsiz», - dep tapsyrma júktedi Prezıdent.

Memleket basshysy elektr qýaty, jylý jáne sý turmysqa asa qajetti ıgilikter ekenin aıta kele, ony únemdep paıdalanýǵa shaqyrdy.

Aıta keteıik, dál qazir Memleket basshysy Qasym-Jomart Toqaev Qazaqstan halqyna Joldaýyn jarııalap jatyr.