Prezıdent: Jastarǵa baspana qoljetimdi bolýy tıis
«Elbasy osy jyldy «Jastar jyly» dep jarııalady. Jastarmen qoǵamdyq-ıdeologııalyq jumys júrgizý – óte mańyzdy mindet. Sebebi jastar bizdiń bolashaǵymyz. Sondyqtan «Jastar jylynyń» ıgiligin eń aldymen jastardyń ózderi kórýi kerek», - dep toqtaldy Memleket basshysy.
Olsy oraıda Prezıdent jastarǵa baspana qoljetimdi bolýy tıis ekenin qadap aıtty.
«Olardyń joly bolýy kerek. Jaqsy sapaly ómir súrý úshin múmkindikter týǵyzýymyz qajet. Mine, Úkimettiń bastamalary eń aldymen osy mindetterdi nazarǵa alýy tıis. Biraq mynany umytpaýymyz kerek, eń basty mindet – «daıyn asqa tik qasyq» degendeı, jastarǵa baqytty ómirdi jasap berý emes, olarǵa óz baqyttaryn ózderi taýyp, maqsattaryna jetýge jaǵdaı jasaý óte mańyzdy. Kelesi jyl «Jastar jylynyń» jalǵasy retinde «Volonterler jyly» bolady. Jastarymyzdy belsendi volonterlik jumysqa tartý qajet. Biraq olar bul jumysqa tek kredıtter men oqýdaǵy jeńildikter úshin emes, ózderiniń júrek qalaýymen ári shynaıy nıetimen kelýi tıis», - dedi Qasym-Jomart Toqaev.