Prezıdent jastardyń bilimdi bolýyna kóńil bólip otyrǵany qýantty - Elına Paýlı

ALMATY. QazAqparat - Almatydaǵy «Jastar» ortalyǵy dırektorynyń orynbasary, jastar kadrlyq rezerviniń múshesi Elına Paýlı Memleket basshysynyń búgingi Májilis otyrysynda sóılegen sózine baılanysty pikir bildirdi, dep habarlaıdy QazAqparat tilshisi.

«Prezıdent búgin óte kúshti sóıledi. Ol bizdiń qoǵamdaǵy jáne sońǵy qaıǵyly oqıǵalarda anyqtalǵan barlyq aýrý núktelerdi dál anyqtady. Maǵan naqty máselelerdiń belgilengeni, olarǵa naqty sheshimder usynylǵany jáne jaýapty memlekettik organdarǵa tıisti tapsyrmalar berilgeni unady», - dedi spıker.
Elına Paýlıdiń aıtýynsha, alda úlken jumystar tek memlekettik organdardy ǵana emes, jalpy qoǵamdy da kútip tur.
«Materıaldyq qundylyqtardy qalpyna keltirý bir basqa, al Qazaqstannyń damýyna qatysty qandaı da bir azamattyq ustanymdardy kórsetý - ol múldem basqa másele», - dep atap ótti ol.
Sondaı-aq, spıker jastarǵa qatysty tarmaqtardy da atap ótti.
«Búginde kóptegen memlekettik baǵdarlamalar óz tıimdiligin kórsetti. Prezıdent halyq arasynda, ásirese, jastar arasyndaǵy jumyssyzdyqty azaıtý qajettigin atap ótti. Bizdiń jastarda sapaly bilim alýǵa múmkindik keńeıdi. ıAǵnı, búgingi tańdaǵy bilim - bizdiń óskeleń urpaqta básekege qabiletti tulǵanyń irgetasyn qalaıdy. Qazaqstannyń erteń qandaı bolatyny búgin balalarymyz ben jastarymyzdyń qandaı bilim alyp jatqanyna baılanysty», - dedi ol.