Prezıdent jastar saıasaty salasyna erekshe nazar aýdarýda - Aıda Balaeva
«Búgin Memleket basshysy Parlamenttiń VII shaqyrylymynyń birinshi sessııasyn ashý barysynda azamattyq qoǵamdy damytý, jastar saıasatyn jandandyrý, onlaın-petıtsııany zańnamalyq bekitý sııaqty memlekettik saıasattyń negizgi basym baǵyttaryna kezekti ret toqtalyp ótti. Bul baǵyttardaǵy jumystyń sapaly iske asýy – birinshi kezekte elimizde demokratııa prıntspteriniń júıeli damýyna oń yqpal etetini sózsiz. Aqparat jáne qoǵamdyq damý mınıstrligi atalǵan salalardaǵy jumystyń zańnamalyq tetikterin retteý boıynsha belsendi jumys atqaryp keledi. Atap aıtqanda, bizdiń Mınıstrlik qoǵamdyq baqylaý jónindegi Tujyrymdama men Zań jobasyn ázirledi. Zańnamalyq baza – azamattyq qoǵamnyń jumysyn ary qaraı jandandyryp, memlekettik organdar qyzmetiniń ashyqtyǵyn qamtamasyz etetin bolady. Sondaı-aq, Mınıstrlik janynan 71 adamnan turatyn úlken Jumys toby quryldy. Onyń quramynda Evgenıı Jovtıs, Tatıana Zınovıch, Akıf Súleımenov, Rýstam Ashıgalıev, Zaýresh Battalova sııaqty basqa da kásibı quqyqtanýshylar men sarapshylar bar», - dep jazdy Balaeva jelidegi paraqshasynda.
Sonymen qatar, ol Prezıdent jastar saıasaty salasyna da erekshe nazar aýdarǵanyn atap ótti.
«Atap aıtqanda, «Jastardyń damý ındeksi» júıesin engizýdi jáne «Jastardyń áleýmettik qyzmetteri» uǵymyn zańmen bekitýdi tapsyrdy. Búgingi tańda, bizdiń Mınıstrlik elimizdiń barlyq óńirindegi jastar saıasatyna qatysty máselelerdi anyqtap, olarǵa jan-jaqty taldaý jumystaryn júrgizýde. Bul óz kezeginde jastar saıasaty salasyndaǵy zańnamalyq normalardy sapaly ári tıimdi ázirleýge óz septigin tıgizetin bolady. Bul oraıda, depýtattyq korpýs pen Mınıstrlik arasyndaǵy ózara baılanys aldaǵy ýaqytta da ózara áriptestikte jalǵasyp, Memleket basshysy tapsyrǵan mindetterdi ýaqytyly ári tolyǵymen oryndaýǵa múmkindik beredi dep senemin», - dep tolyqtyrdy ol.
