Prezıdent: Jastar men qabiletti kadrlarǵa jol bermeýimiz - úlken kemshiligimiz
«Saıası kadrlardy daıyndaý. Partııamyz kadrlar ustahanasyna aınalyp, saılaýshylarmen jumys isteı alatyn qazirgi zaman saıasatkerlerin jáne memlekettik qyzmetshilerdi daıyndaýy tıis. Ashyǵyn aıtsaq, búginde bizde saıası menedjerlerdi daıyndaý isi aqsap tur. Qazirgi jaǵdaıda saıası basshylar túrli mamandyq ıelerimen, jastarmen, jýrnalıstermen, halqymyzdyń barlyq ókilimen sóılese bilýi tıis. Jáne de mundaı adamdar bizde az emes. Bir ǵana problema – ol áleýmettik lıftiniń joqtyǵy. Biz jastar men qabiletti kadrlarǵa jol bermeımiz jáne bul bizdiń úlken kemshiligimiz», - dedi Memleket basshysy «AMANAT» partııasynyń kezekten tys sezinde.
QR Prezıdenti partııa qurylymynda saıası menedjment akademııasy jumys isteıtindigin jáne onyń jumysyn kúsheıtý qajettigin basa aıtty.
«Birrettik semınarlar men trenıngterden depýtattardy, ákimderdi, mınıstrlerdi jáne ózge de partııadan usynylatyndardy daıyndaıtyn tolyqqandy baǵdarlamaǵa kóshý kerek. Jergilikti jerlerde partııalyq aktıvterdi oqytý úshin kóshpeli trenıngterdi de júıeli túrde ótkizgen jón. Men aıtqan barlyq mindetterdi barynsha qysqa merzimde oryndaý qajet bolady. Saılaýshylardyń partııaǵa senimin arttyrý úshin jumystyń burynǵy formaldy ádisinen bas tartý kerek», - dedi Qasym-Jomart Toqaev.
