Prezıdent Jaslan Mádıevke JI men tsıfrlyq tehnologııalardy damytý boıynsha birqatar mindet júktedi

ASTANA. KAZINFORM - Memleket basshysy jańadan taǵaıyndalǵan Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıevti qabyldady, dep habarlaıdy Aqordanyń baspasóz qyzmeti.

Qasym-Jomart Toqaev kezdesýde ulttyq tsıfrlyq ınfraqurylymdy odan ári órkendetý, ekonomıka men áleýmettik salanyń negizgi baǵyttaryna jasandy ıntellektini engizý, sondaı-aq azamattar men bıznes úshin memlekettik tsıfrlyq qyzmet kórsetýdiń sapasyn arttyrý jóninde tapsyrma berdi.

Prezıdent JI men tsıfrlyq tehnologııalar boıynsha eńbek etetin bilikti mamandar daıarlaý máselesine basa nazar aýdardy.

Memleket basshysy joǵary tehnologııalar salasyndaǵy halyqaralyq yntymaqtastyqty keńeıtý jáne Qazaqstannyń óńirlik tsıfrlyq hab retindegi ornyn nyǵaıtý qajettigin atap ótti.

Premer-mınıstrdiń orynbasaryna Joldaýda belgilengen Qazaqstandy tsıfrlyq memleketke aınaldyrý jónindegi basym maqsattardy naqty iske asyrý júkteldi.

Osyǵan Jaslan Mádıev Qazaqstan Respýblıkasy Premer-mınıstriniń orynbasary – Jasandy ıntellekt jáne tsıfrlyq damý mınıstri bolyp taǵaıyndalǵany týraly jazdyq.