Prezıdent jasaǵan batyl qadam turaqsyzdyq týdyrý josparyn buzdy – Erlan Qarın
«Prezıdenttiń sheshimtal áreketteri elde turaqsyzdyq ornatý týraly jspardy buzdy. Onyń ishinde Ujymdyq qaýipsizdik týraly shart uıymynyń bitimgerlik kontıngentin shaqyrý sheshimi de bar. Bul sózsiz. Bul jerde men keıbir «sarapshylardyń» arasynda túrli spekýlıatsııalardy kórip otyrmyn», - Erlan Qarın «Habar 24» telearnasyna bergen suhbatynda.
Onyń aıtýynsha, Qazaqstanda bolyp jatqan jaǵdaıdy syrttan ton piship, eski stereotıptermen baǵalaý úrdisi baıqalyp otyr.
«Ókinishke qaraı, olar bul oqıǵalardy trafaret boıynsha baǵalaýda. Eski shablonmen baǵalaý arqyly qoǵam pikirine manıpýlıatsııa júrip jatyr. Qalyptasyp qalǵan stereotıpter arqyly beıbit qarsylyqtar men aktsııalardyń aıasyndaǵy jappaı tártipsizdik dep kórsetýge tyrysýda. Onyń ústine UQShU bitimgerlik kontıngentin shaqyrý taqyrybyn ýshyqtyryp jatyr. Biraq óte shetin ahýal bolǵan edi. Memlekettiń tutastyǵyn saqtaý boıynsha sonshalyq shetin ahýal týyndaǵan bolatyn», - dedi Memlekettik hatshy.
