Prezıdent jarlyǵymen Bas prokýratýranyń qurylymy ózgerdi
ASTANA. QazAqparat – Memleket basshysy Qasym-Jomart Toqaev QR Bas prokýratýrasynyń qurylymyn ózgertý týraly Prezıdent Jarlyǵyna qol qoıdy, dep habarlaıdy QazAqparat tilshisi.
Jarlyqta jazylǵandaı, endi QR Bas prokýratýrasynyń qurylymy mynadaı bolmaq:
- Basshylyq;
- Apparat;
- Cotqa deıingi tergep-tekserýdiń jáne qylmystyq qýdalaýdyń zańdylyǵyn qadaǵalaý qyzmeti (jańa qyzmet);
- Zańdy kúshine engen úkimderdiń zańdylyǵyn jáne olardyń oryndalýyn qadaǵalaý qyzmeti;
- Qoǵamdyq múddeni qorǵaý qyzmeti;
- Cotqa deıingi tergep-tekserý qyzmeti (jańa qyzmet);
- Halyqaralyq-quqyqtyq yntymaqtastyq qyzmeti;
- Kadrlyq jumys departamenti (burynǵy kadrlardy damytý departamenti);
- Ózindik qaýipsizdik departamenti (burynǵy ishki tergeý departamenti);
- Strategııalyq damý departamenti;
- Jedel-izdestirý, qarsy barlaý qyzmeti men jasyryn tergeý áreketteriniń zańdylyǵyn qadaǵalaý departamenti;
- Norma shyǵarmashylyq qyzmetin úılestirý departamenti;
- Joldanymdarmen jumys jáne is júrgizý departamenti;
- Qarjy departamenti;
- Memlekettik qupııany qorǵaý basqarmasy;
- Іshki aýdıt basqarmasy;
- Aqparattyq qaýipsizdik basqarmasy.
Vedomstvo quramynan arnaıy prokýrorlar jáne qylmystyq qýdalaý qyzmetteri alynyp tastalǵan.
Qujatta kórsetilgendeı, jarlyq qol qoıǵan kúnnen, ıaǵnı 23 mamyrdan bastap kúshine endi.
