Prezıdent Jarlyǵymen Aıgúl Quspan Elshi qyzmetinen bosatyldy

NUR-SULTAN. QazAqparat - Memleket basshysy Qasym-Jomart Toqaevtyń Jarlyǵymen Aıgúl Saıfollaqyzy Quspan Qazaqstan Respýblıkasynyń Belgııa Koroldigindegi Tótenshe jáne Ókiletti Elshisi qyzmetinen, Qazaqstan Respýblıkasynyń Lıýksembýrg Uly Gertsogtigindegi Tótenshe jáne Ókiletti Elshisi, Eýropa Odaǵynyń janyndaǵy jáne Soltústik Atlant Sharty uıymyndaǵy (NATO) Qazaqstan Respýblıkasy Ókildiginiń Basshysy qyzmetin qosa atqarýdan bosatyldy. QazAqparat bul týraly Aqordaǵa silteme jasap habarlaıdy.

Eske salaıyq, A.Quspan «Nur Otan» partııasynan Parlament Májilisine depýtat boldy.

Elimizde Májiliske jáne jergilikti máslıhattarǵa saılaý 10 qańtar kúni ótti.

Onyń nátıjesinde Parlamenttiń tómengi palatasyna depýtattyq mandattarǵa 3 partııa ıe boldy: «Nur Otan» partııasy (76 mandat), Qazaqstannyń «Aq jol» demokratııalyq partııasy (12 mandat), Qazaqstan Halyq partııasyna (10 mandat).

Sondaı-aq 9 depýtat Qazaqstan halqy Assambleıasynan saılandy.

QR Parlamenti Májilisiniń depýtattyq korpýsy barlyǵy 107 adamnan turady.