Prezıdent jarlyǵymen Antıkorǵa birqatar qosymsha quzyret berildi

ASTANA. QazAqparat – Memleket basshysy Qasym-Jomart Toqaev Sybaılas jemqorlyqqa qarsy is-qımyl agenttigine birqatar qosymsha quzyret beretin Jarlyqqa qol qoıdy, dep habarlaıdy QazAqparat tilshisi.

Jarlyqqa saı, Sybaılas jemqorlyqqa is-qımyl agenttigine myna fýnktsııalar berildi:

- sybaılas jemqorlyqtyń aldyn alý máseleleri boıynsha ádepjónindegi ýákildermen ózara is-qımyl jasaý;

- QR Prezıdenti Ákimshiligimen kelisý boıynsha sybaılas jemqorlyq táýekelderine syrtqy taldaý júrgizý tártibin ázirleý jáne bekitý;

- sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylǵa ózgeshe túrde járdem kórsetetin adamdardy kótermeleý tártibin ázirleý jáne bekitý;

- memlekettik organdar men kvazımemlekettik sektor sýbektilerimen kelisý boıynsha sybaılas jemqorlyqqa qarsy standarttardy qalyptastyrý jónindegi ádistemeni ázirleý jáne bekitý;

- sybaılas jemqorlyq deńgeıin baǵalaý ádistemesin ázirleý jáne

bekitý.

Jarlyq alǵash resmı jarııalanǵan kúnnen, ıaǵnı 20 shildeden bastap kúshine endi.