Prezıdent Jarlyǵymen «Qazaqstan Respýblıkasynyń Konstıtýtsııasyna 30 jyl» mereıtoılyq medali bekitildi
Prezıdent Qasym-Jomart Toqaevtyń Jarlyǵymen «Qazaqstan Respýblıkasynyń Konstıtýtsııasyna 30 jyl» mereıtoılyq medali bekitildi. Bul týraly Aqordanyń baspasóz qyzmeti habarlady.
Atalǵan medalmen Qazaqstan Respýblıkasy Konstıtýtsııasynyń ústemdigin qamtamasyz etýge, el táýelsizdigin nyǵaıtýǵa, qoǵamda kelisim men turaqtylyqty saqtaýǵa, azamattardyń konstıtýtsııalyq quqyǵyn jáne erkindigin qorǵaýǵa, konstıtýtsıonalızm ıdeıalaryn, sondaı-aq qaǵıdattaryn qalyptastyrýǵa ári damytýǵa erekshe úles qosqan tulǵalar nagradtalady.
Sonymen qatar mereıtoılyq medal jumysshy mamandarǵa, bıýdjet salasy men óndiris uıymdarynyń ókilderine jáne basqa da azamattarǵa beriledi.
Bul medalǵa ıe bolý azamattardyń adal eńbegi men Otan, memleket jáne qoǵam aldyndaǵy erekshe qyzmetin tanýdyń mańyzyn kórsetedi.
Aıta keteıik, Prezıdent Qasym-Jomart Toqaev Qazaqstan Respýblıkasy Konstıtýtsııasynyń 30 jyldyǵyna arnalǵan «Konstıtýtsııa jáne memlekettilik: quqyq pen bolashaq dıalogy» atty ǵylymı-praktıkalyq konferentsııasynda sóılegen sóziniń tolyq mátini jarııalandy.