Prezıdent Jarlyǵymen eki mýzeıge Ulttyq mártebe berildi

Prezıdent Qasym-Jomart Toqaevtyń Jarlyǵymen elimizdegi eki mýzeıge ulttyq mártebe berildi. Bul týraly Aqorda málimdedi.

«Mádenıet týraly» Qazaqstan Respýblıkasy Zańynyń 21-babynyń 1-tarmaǵyna sáıkes qaýly etemin:

1. Qazaqstan Respýblıkasy Mádenıet jáne aqparat mınıstrligi Mádenıet komıtetiniń «Ábilhan Qasteev atyndaǵy Qazaqstan Respýblıkasynyń memlekettik óner mýzeıi» jáne «Qazaqstan Respýblıkasynyń memlekettik ortalyq mýzeıi» respýblıkalyq memlekettik qazynalyq kásiporyndaryna «Ulttyq» mártebe berilsin.

2. Qazaqstan Respýblıkasynyń Úkimeti osy Jarlyqtan týyndaıtyn sharalardy qabyldasyn.

3. Osy Jarlyq qol qoıylǵan kúninen bastap qoldanysqa engiziledi», — delingen Aqorda jarııalaǵan qujatta.

Aıta keteıik, buǵan deıin Qazaq ulttyq óner ýnıversıtetine resmı túrde Kúlásh Baıseıitovanyń esimi berilgen.