Prezıdent jarlyǵymen birqatar eldiń elshileri taǵaıyndaldy
ASTANA. KAZINFORM — Qazaqstannyń Mońǵolııadaǵy, Shrı-Lankadaǵy, Shvetsııadaǵy jáne Danııadaǵy elshileri taǵaıyndaldy.
Bul týraly Aqordanyń baspasóz qyzmeti málim etti.
— Memleket basshysynyń jarlyqtarymen: Almas Seıtaqynov Qazaqstan Respýblıkasynyń Mońǵolııadaǵy Tótenshe jáne Ókiletti Elshisi laýazymyna taǵaıyndaldy; Sergeı Aleksandrovıch Vıktorov Qazaqstan Respýblıkasynyń Shrı-Lanka Demokratııalyq Sotsıalıstik Respýblıkasyndaǵy Tótenshe jáne Ókiletti Elshisi laýazymyna taǵaıyndaldy; Qazaqstan Respýblıkasynyń Shvetsııa Koroldigindegi Tótenshe jáne Ókiletti Elshisi Oljas Muhamedǵalymuly Súleımenov Qazaqstan Respýblıkasynyń Danııa Koroldigindegi Tótenshe jáne Ókiletti Elshisi qyzmetin qosa atqarýshy laýazymyna taǵaıyndaldy, — delingen habarlamada.
Buǵan deıin Qazaqstannyń Mońǵolııadaǵy elshisi qyzmetinen ketkeni belgili boldy.
Eske salsaq, jaqynda Kazinform agenttigi jańa «Málimet» jobasyn iske qosty. «Málimet» − Qazaqstannyń medıanaryǵynda alǵash ret usynylǵan jańa aıdar, onda saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetteri jarııalanady.
