Prezıdent járdemaqyǵa kún kórip, eńbektengisi kelmeıtinderdi anyqtaýdy tapsyrdy
TALDYQORǴAN. QazAqparat - Taldyqorǵanda jurtshylyqpen kezdesý barysynda Prezıdent járdemaqyǵa ómir súrýdi durys kórip, jumys isteýge qulqy joqtardy anyqtaýdy tapsyrdy, dep habarlaıdy QazAqparat tilshisi.
«Áleýmettik kómekke asa zárý jandar men memlekettiń bergenin mise tutyp, eńbektengisi kelmeıtin, járdemaqyǵa kún kóretinderdi naqty anyqtaý kerek», - dedi QR Prezıdenti Qasym-Jomart Toqaev.
Esterińizge sala keteıik, búgin Almaty oblysyna jumys saparymen kelgen Prezıdent Taldyqorǵandaǵy Saltanat saraıynda jurtshylyqpen kezdesip, erkin formatta tildesti.
Kezdesý barysynda Prezıdent Almaty oblysynyń ákimine apatty joldardy jóndeýdi tapsyrdy. Sonymen qatar, ákimderge jer eńbek etem degen azamattardyń ıeliginde bolý kerektigin eskertti.
