Prezıdent Japonııa Premer-mınıstrine kóńil aıtý jedelhatyn joldady

ASTANA. KAZINFORM — Memleket basshysy Japonııa Premer-mınıstri Sanae Takaıchıge kóńil aıtý jedelhatyn joldady. Bul týraly Aqordanyń baspasóz qyzmeti habarlady. 

Prezıdent Qasym-Jomart Toqaev Japonııanyń soltústik óńirinde jaýǵan qalyń qar saldarynan kóptegen adamnyń qaza tabýyna baılanysty Premer-mınıstr Sanae Takaıchıge kóńil aıtty.

– Osyndaı qıyn sátte qaıǵylaryńyzǵa ortaqtasyp, Sizge jáne Japonııa halqyna kóńil aıtamyn. Qaıtys bolǵan azamattardyń jaqyn-jýyqtaryna sabyr, zardap shekken otandastaryńyzdyń tezirek saýyǵyp ketýin tileımin, – delingen jedelhatta.