Prezıdent Japonııa Parlamentiniń Qazaqstanmen dostyq lıgasy múshelerimen kezdesti
ASTANA. KAZINFORM – Prezıdent Qasym-Jomart Toqaev Toshıakı Endo bastaǵan Japonııa Parlamentiniń Qazaqstanmen dostyq lıgasy múshelerimen kezdesý ótkizdi. Bul týraly Aqordanyń baspasóz qyzmeti habarlady.
Memleket basshysy Dostyq lıgasynyń qyzmetine joǵary baǵa berip, ony ekijaqty yntymaqtastyqty nyǵaıtýdyń mańyzdy tetigi retinde qarastyratynyn atap ótti.
– Elimiz Tokıomen jan-jaqty yqpaldastyqty odan ári arttyrýǵa basa mán beredi. Parlamentaralyq dıalog tereńdeı tústi. Túrli deńgeıdegi baılanystar turaqty túrde jalǵasýda. Saýda-ekonomıka jáne ınvestıtsııa salasyndaǵy ekijaqty qatynastarymyz tyń serpinmen damyp keledi. Japonııa Qazaqstandaǵy iri ınvestordyń qataryna kiredi. Byltyr taýar aınalymy 2 mıllıard dollarǵa jetti. Bul – Japonııanyń Ortalyq Azııa memleketterimen jalpy saýda kóleminiń 70 paıyzynan astamy degen sóz. Sondaı-aq kólik-logıstıka, energetıka, aýyl sharýashylyǵy jáne basqa da salalarda naqty jobalar bar. Biz búgin Imperator Narýhıtomen kezdesýde medıtsına salasy, sý máselesi boıynsha pikir almastyq. Shyn máninde ekijaqty yntymaqtastyqtyń keleshegi zor. Mádenı-gýmanıtarlyq baılanysymyz tereńnen tamyr tartady. Eki el bilim jáne ǵylym, mádenıet pen óner, sport jáne týrızm salalarynda ózara tyǵyz yqpaldastyq ornatty. Bıyl Osakada ótken Dúnıejúzilik kórme aıasynda qazaqtyń uly aqyny, ǵulama oıshyly Abaı Qunanbaıulynyń týǵanyna 180 jyl tolýyn atap óttik, – dedi Qazaqstan Prezıdenti.
Memleket basshysy jahandyq ózekti máselelerge qatysty Qazaqstan men Japonııanyń ustanymdary ortaq ekenine toqtaldy.
– Biz Birikken Ulttar Uıymy jáne basqa da halyqaralyq qurylymdar aıasynda beıbitshilikti qamtamasyz etý, ıadrolyq qarýsyzdaný máseleleri boıynsha bir-birimizdi únemi qoldap kelemiz. Qazaqstan aımaqaralyq yntymaqtastyǵymyzdyń mańyzdy tetigi sanalatyn «Ortalyq Azııa + Japonııa» sammıtine aıryqsha mán beredi. Premer-mınıstr Sanae Takaıchı hanymmen ótetin kezdesýde birqatar máseleni talqylaımyz. Bul kelissózder saıası dıalogty tereńdetip, ekonomıkalyq jáne gýmanıtarlyq alys-beristi jandandyrýǵa jol ashady. Halyqtarymyz ósip-órkendep, ózara tıimdi qarym-qatynasymyz nyǵaıa beredi dep senemin, – dedi Qasym-Jomart Toqaev.
Eske sala keteıik, Memleket basshysy Qasym-Jomart Toqaev Japonııaǵa resmı saparmen bardy.
Qazaqstan Prezıdentin Tokıo qalasynyń Haneda halyqaralyq áýejaıynda Japonııanyń memlekettik syrtqy ister mınıstri Aıano Kýnımıtsý qarsy aldy.
Tokıoda jalpy quny 3,7 mlrd dollardan asatyn kelisimderge qol qoıylady.
Tokıo Qazaqstan Prezıdentiniń saparyna qalaı daıyndalyp jatqanyn jazǵan edik.
QR Prezıdenti Qasym-Jomart Toqaevtyń 18-20 jeltoqsanǵa josparlanǵan Japonııaǵa resmı sapary qarsańynda osy eldiń Qazaqstandaǵy Elshisi ıAsýmasa Iıdjıma Kazinform agenttigine eksklıýzıv suhbat berdi.
Memleket basshysy Qasym-Jomart Toqaev sapar aıasynda ımperator Narýhıtomen, Premer-mınıstr Sanae Takaıchımen kezdesý josparlanǵan. «Ortalyq Azııa – Japonııa» sammıtine qatysyp, iskerlik orta ókilderimen júzdespek. Kazinform tilshisi Qazaqstan men Japonııa arasyndaǵy baılanystyń mańyzdy tustaryna toqtalyp kórdi.
Memleket basshysy Japonııa Imperatory Narýhıtomen kezdesti.
