Prezıdent Japonııa metall jáne energetıkalyq qaýipsizdik jónindegi uıym tóraǵasyn qabyldady
ASTANA. KAZINFORM – Memleket basshysy Japonııa metall jáne energetıkalyq qaýipsizdik jónindegi uıymynyń (JOGMEC) tóraǵasy Ichıro Takaharýdy qabyldady. Bul týraly Aqordanyń baspasóz qyzmeti habarlady.
Kezdesýde geologııalyq barlaý, asa mańyzdy mıneraldardy óndirý jáne óńdeý, sondaı-aq tabıǵı resýrstardy ornyqty basqarý baǵyttaryndaǵy yntymaqtastyq perspektıvasy talqylandy.
Memleket basshysy JOGMEC kompanııasynyń Qazaqstanda jobalardy júzege asyrýǵa qyzyǵýshylyq tanytyp otyrǵanyn joǵary baǵalady.
Sonymen qatar áńgimelesý barysynda uıymnyń elimizdegi geologııalyq barlaý jobalaryna qatysý jáne ókildik ashý múmkindikteri qarastyryldy. Prezıdenttiń pikirinshe, bul birlesken jobalardy tıimdi úılestirýge, sondaı-aq Japonııanyń óndiristik jáne tehnologııalyq kompanııalarynyń Qazaqstan naryǵyna kóptep kelýine yqpal etedi.
JOGMEC – Japonııanyń energetıkalyq jáne mıneraldy shıkizat qaýipsizdigine jaýapty negizgi memlekettik ınstıtýty. Uıym munaı, gaz, sýtegi, ammıak jáne sırek kezdesetin metaldardyń turaqty jetkizilimin qamtamasyz etetin memlekettik operator mindetin atqarady.
Aıta keteıik, Qasym-Jomart Toqaev Japonııaǵa resmı saparmen bardy. Sonymen qatar Tokıoda jalpy quny 3,7 mlrd dollardan asatyn kelisimderge qol qoıylady.
Memleket basshysy Japonııa Imperatory Narýhıtomen kezdesti. Sondaı-aq Qasym-Jomart Toqaevtyń qurmetine resmı qabyldaý ótti.
Keıin Toqaev Meıdjı Djıngý ǵıbadathanasyn aralap kórdi. Sonymen qatar Qasym-Jomart Toqaev Japonııada turyp jatqan qazaqstandyqtarmen jáne Japonııa Parlamentiniń Qazaqstanmen dostyq lıgasy múshelerimen kezdesti.
Japonııa Premer-mınıstriniń ofısinde Qasym-Jomart Toqaevty resmı qarsy alý rásimi ótti.
Japonııa Premer-mınıstri Qazaqstan Prezıdentiniń resmı sapary eki eldiń ózara tıimdi yntymaqtastyǵyna tyń serpin beretinine senim bildirdi.
Rıtsýmeıkan Azııa-Tynyq muhıty ýnıversıtetiniń tuńǵysh qazaqstandyq vıtse-prezıdenti Serik Meıirmanov Silk Way telearnasynyń tilshisine bergen suhbatynda Prezıdent Qasym-Jomart Toqaevtyń Japonııaǵa sapary týraly pikir bildirdi.
Qazaqstan men Japonııa kelissóz qorytyndysynda resmı qujattarǵa qol qoıdy.
Qasym-Jomart Toqaev Rakuten Group kompanııasynyń basshysy Hıroshı Mıkıtanıdi qabyldady.
Prezıdent Qasym-Jomart Toqaev kásipqoı sýmoshy Ersin Baltaǵulmen kezdesti.
Prezıdent pen Tokıo gýbernatory ıÝrıko Koıke Smart city tehnologııalaryn talqylady.
Astana ákimi men Tokıo gýbernatory ózara túsinistik týraly memorandýmǵa qol qoıdy.
Prezıdent Tokıonyń Tótenshe jaǵdaılar jónindegi ahýaldyq ortalyǵyn aralap kórdi.
Prezıdent Teleradıokesheni japonııalyq BAQ-pen baılanysyn damytady.
Tokıo gýbernatory Qazaqstan Prezıdentin qazaq tilinde qarsy aldy.