Prezıdent Japonııa Imperatoryna quttyqtaý jedelhatyn joldady

TALDYQORǴAN. KAZINFORM — Prezıdent Japonııa Imperatorynyń týǵan kúnine oraı quttyqtaý jedelhatyn joldady. Bul týraly Aqordanyń baspasóz qyzmeti habarlady.  

Memleket basshysy eki el arasyndaǵy dostyq pen ózara qoldaýǵa negizdelgen san qyrly yntymaqtastyq qos halyqtyń ıgiligi jolynda jandana beretinine senim bildirdi.

Qasym-Jomart Toqaev Imperator Narýhıtonyń ıgi bastamalaryna mol tabys, al dostas japon halqyna baq-bereke tiledi.  

Aıta ketelik Qasym-Jomart Toqaev Sanae Takaıchıdi Japonııanyń Premer-mınıstri laýazymyna qaıta saılanýymen quttyqtaǵan edi.