Prezıdent janyndaǵy jemqorlyqpen kúres komıssııanyń quramy ózgerdi
ASTANA. QazAqparat - Búgin QR Prezıdent janyndaǵy jemqorlyqqa qarsy kúres komıssııasynyń kezekti otyrysynda QR Memlekettik xatshysy Gúlshara Ábdixalyqova komıssııanyń jańa múshesin tanystyrdy, dep xabarlaıdy QazAqparat tilshisi.
«Komıssııa quramyna Aqylbaı Serik Baıseıitulynyń ornyna Parlament Senatynyń kostıtýtsııalyq zańnama, sot júıesi men quqyq qorǵaý organdary komıtetiniń tóraǵasy Kım Georgıı Vladımırovıch kirip otyr», - dep atap kórsetti komıssııa tóraıymy Gúlshara Naýshaqyzy.
Aıta keteıik, komıssııanyń búgingi otyrysynda densaýlyq saqtaý salasyndaǵy jemqorlyq máselesi , sondaı-aq «Tsıfrlyq Qazaqstan - 2020» memlekettik baǵdarlamasyn iske asyrý sharalary qaraldy.
